Lucky Baskhar (2024) | “වාසනාවන්තයෙක්”
Seetharaman 2022 තෙළිඟු block buster එක ඔබට මතක ඇති. ඒ චිත්‍රපටයෙ තෙළිඟු නළුවෙකු වෙනුවට මලයාලි මුහුණක් ඉදිරියට ගෙනාවා. වෙනින් කවුරුත් නෙමෙයි දුල්කර් සල්මන්. ඉතින් ඔන්න නැවතත් වෙංකි අට්ලුරි කියන අධ්‍යක්ෂක වරයා දුල්කර්වම තෙළිඟු චිත්‍රපටයකට ගේනවා. ඒකත් අර වගේම ජනප්‍රිය බවට පත් වෙන්නෙ කෝටි 112ක් ඉක්මවා ආදායමක් ලබා ගෙන . බලන කොට දුල්කර් ලකී දුල්කර් කිව්වට කමක් නෑ.
සීතාරාමන් එක වගේම මේකත් මදක් අතීතයට යන කතාවක්, ඒත් 1990 වගේ මෑත අතීතයට. බාස්කර් නැමති බැංකු සේවකයෙකු සිය ජීවිත කතාව ආවර්ජනය කිරීමක් මේ චිත්‍රපටයට පාදක වෙනවා. අති දක්ෂ පුද්ගලයෙක් ඉතා සුළු වංචාවකින් පටන් ගෙන මහා පරිමාණ වංචා දක්වා යන ගමනක් සහ එකී ගමනේ පිය සටහන් නොතබා සූක්ශම ලෙස කටයුතු කරන ආකාරයත් මෙහි දක්වනවා. ඉතිං ඔහු කවදා හරි අසු වේද කියන එක කියන්න බෑ.
90 දශකයේ මේ ආකාරයේ වංචා ලොව පුරා බැංකු වල සිදු උනා. මෙහි විශේෂය වන්නෙ ඒ සිදුවීම් පිටි පස ඉන්නෙ අති දක්ෂයෝ. ඒ නිසාම තමයි වංචාව වංචාවක් නොවන බව පේන්න සැලසුම් සකස් කෙරෙන්නෙ. බටහිර සිනමාවෙ මෙවැනි චරිත රැසක්ම දකින්න පුළුවන්. ඒ වගේම මේ චරිතයත් ඉතා ලස්සනට මෙහි නිර්මාණය වෙලා තියෙනවා.
දුල්කර් සමග මීනාක්ෂි චවුද්‍රි, රාම්කි,ටින්නු ආනන්ද් වැනි නළු නිළියන් මෙහි රඟපානවා
📑SUBTITLES BY : ✍ ඉසුරු ලක්මාල් [CINERU]
There are no reviews yet.